Худалдаа
Барилга МН
Улс орныхоо тогтвортой хөгжлийг хангахын тулд гадаад, дотоодын хөрөнгө оруулалтыг эх орондоо татаж ажлын байр олноор бий болгон түүнийгээ тогтвортой хадгалах бодлого баримталж иргэдээ байнгын орлоготой, амьжиргааны түвшин нь өсөлттэй байхыг дэмжих, татвар, хураамж шимтгэлээ цаг хугацаанд нь төлөх, явуулж байгаа үйл ажиллагаа нь байгаль орчинд ээлтэй байх зарчмыг дээдэлж ажиллана.
Нийгмийн хариуцлагын нэг хэлбэр болон хэрэгждэг хандив, тусламж, ивээн тэтгэлэг нь нийгэм, хүмүүст өгөөжтэй байхыг чухалчилж үздэг бөгөөд залуусын боловсролыг дэмжих, үндэсний болон орчин үеийн соёл урлаг, спортыг хөгжүүлэх, өнчин хүүхдүүд, нийгмийн эмзэг бүлэгт туслахад анхаарах болно.
Залуу боловсон хүчнийхээ ур чадвар, мэдлэг боловсролыг дээшлүүлж хувь хүнийг хөгжүүлэх үүднээс компанийнхаа үйл ажиллагааны чиглэлийн дагуу их дээд сургуульд сурах сургалтын төлбөр, нөхцөл бололцоогоор хангаж байна. Мөн улс орныхоо ирээдүй хойч үйл болсон хүүхэд багачуудын оюуны хөрөнгө оруулалт болгон Хэнтий аймагт шатарын клубыг тохижуулан хүлээлгэн өглөө.
Манай компанийн хувьд нийгмийн хариуцлага гэдэг бол тэтгэлэг, өглөг, хандив өгч түүнийгээ сурталчилгааны PR болгон ашиглах тухай асуудал биш юм. Харин үндэсний компаниуд нь иргэдээ манлайлан дагуулж үсрэнгүй хөгжилд хүрсэн бусад орны туршлагаар Дэлхийн хөгжлийг Монголдоо цогцлоож монголчууд хамтдаа сайн сайхан амьдрахын төлөө зорьж, нийгмийн хариуцлагаа хэрэгжүүлнэ.